Føroya Banki Open 2025 varð leikt á Glyvursnesi í dag. Dagurin byrjaði við sera góðum veðri. Men sum tað leið út á dagin, øktist vindurin og harvið eisini kuldin. Men tað eydnaðist at fáa leikt kappingina, áðrenn vindurin darvaði spælinum.
Kappingin varð skipað sum ein stablefordkapping við fullum handikappi. Leikarar, ið eru yvir 70 ár leiktu 9 hol, meðan yngru leikararnir leiktu 18 hol.
Eisini varð kappingin løgd soleiðis til rættis, at hvør bólturin var eitt lið, har ráddi um at fáa flest stig í meðal.
Eisini varð kappast um at leika 9 tey fyrstu holini við fægst møguligum sløgum.
Á par 3-holunum varð kappast um at liggja næst holinum í fyrsta slagi.
Úrslitini fyri par-3 holuni gjørdust hesi:
Á vinnandi liðnum við 30.3 stigum í meðal vóru:
Hans Pauli Henriksen,
Finn Jensen og
Bjarne Jørgensen
Við fægst sløgum á teimum fyrstu 9 holinum vann Líggjas Jógvansson við 44 sløgum.
Úrslitini á stablefordkappingunum vóru hesi:
Fyri 18 hol:
| Vinnarar 18 hol | ||
|---|---|---|
| 1.pláss | Finn Larsen | 38 stig |
| 2.pláss | Bjarne Jørgensen | 35 stig |
| 3.pláss | Líggjas Jógvanson | 33 stig |
Fyri 9 hol:
| Vinnarar 9 hol | ||
|---|---|---|
| 1.pláss | Julius Johannesen | 20 stig |
| 2.pláss | Kaj Antoniussen | 19 stig |
| 3.pláss | Janus Norðberg | 17 stig |
Tórshavnar Golffelag takkar Føroya Banka fyri stuðulin á 12. ári!
Næsta kapping hjá felagnum verður 23. og 24. august, tá felagsmeistarakappingin í slagspæli verður leikt.
© All Rights Reserved Mictech
