Náttúran, rørslan, summarið og sjálvandi ein stremban eftir at gerast ein betri spælari, er tað ið drívur verkið. Ein summardagur á golfbreytini er vælvera.

Ein runda av golf ein góðan summardag, er veruliga nakað ið gevur lívsgóðsku. Hetta er ein sosialur ítróttur, og øll kunnu verða við, ung sum gomul.

Tað er ofta at sløgini ikki eyðnast, men kenslan av at raka ein bólt sum ætlað, er fantastisk. Og so er tað so friðsælt at ganga úti í náttúrini.

Seyður, gæs, harur, fugla lív, alt ein partur av golf, og tað er tað, ið ger hesa ítróttargrein so lokkandi. Eg kappist við meg sjálvan um gerast betur, men eisini við øll hini ið spæla.