LIMA- OG AÐALFUNDUR 2025

Tórshavnar Golffelag

Bjóðað verður til lima- og aðalfund í Tórshavnar Golffelagi fríggjadagin tann 21. mars 2025 kl. 17.00 á Hilton Garden Inn, Staravegur 13.

Eftir aðalfundin fáa vit ein góðan bita, okkurt at drekka afturvið og vónandi eina hugnaliga og góða byrjan upp á eitt hendingaríkt golfár.

Melda vinaliga til lima- og aðalfund á rogvim@gmail.com, og sig í sama telduposti frá, um tú ætlar at luttaka í hugnanum eftir aðalfundin.

Nevndin heitir á limir um at raðfesta hetta tiltakið høgt, so vit kunnu vísa áræði og samanhald í mun til felagið.

Tórshavn, tann 5. mars 2025
Vinaliga Nevndin

LIMAFUNDUR

1. Vælkomin
2. Status á golfvallarverkætlanini
3. Fealgshúsið
4. Heimasíða nýtt búmerki
5. Kappingarætlan 2025
6. Oyggjaleikir 2025

AÐALFUNDUR

Uppskot til aðalfundin skulu vera nevndini í hendi í seinasta lagi fríggjadagin tann 14. mars 2025 kl. 17.00.

Aðalfundurin verður hildin við hesi skrá, sbr. § 5 í viðtøkum felagsins:

1. Fundarstjóri verður valdur.
2. Frágreiðing um virki felagsins farna árið.
3. Framløga av tí grannskoðaða ársroknskapinum til góðkenningar.
4. Framløga av uppskoti til fíggjarætlan og ásetan av limagjaldi.
5. Uppskot um viðtøkubroytingar – ongar broytingar eru í ár
6. Uppskot frá limunum.
7. Val av nevndarlimum (Líggjas Jógvansson, Janus Norðberg og Rógvi Mikkelsen standa fyri vali) og tveimum tiltakslimum.
8. Val av grannskoðara og tiltaksgrannskoðara.
9. Ymiskt